விஞ்ஞான ரீதியாக தெளிவாகச் சொல்லப்போனால், தற்போது நாம் அனுபவிக்கும் இந்த அனர்த்தங்களை நாமே உருவாக்கி இருக்கிறோம். ரசாயனத் தொழிற்சாலைகளை நிறுவியதன் மூலம், அவற்றில் இருந்து கிளம்பும் புகை முதலில் ஓசோன் மண்டலத்தை அழித்தது. இதனால், சூரிய ஒளி பூமியில் இருந்து தெறிப்படையாமல், அதிகமாகப் பூமியைத் தாக்குகிறது. அதன் வெப்பத்தின் காரணமாக, பூமி ஆண்டுக்குச் சராசரியாக 1 டிகிரி செல்சியஸ் என்ற வேகத்தில் வெப்பமடைந்து வருகிறது.
வட மற்றும் தென் துருவங்களில் பல மில்லியன் ஆண்டுகளாக உறைந்து கிடந்த பனிக்கட்டிகள் கூட, தற்போது கரைந்து கடலில் கலக்கின்றன. இதன் விளைவாக, கடல் மட்டம் உயர்ந்துள்ளது. பில்லியன் கணக்கான வாகனங்களில் இருந்து வெளியேறும் கார்பனீராக்சைடு (Carbon Dioxide) வாயுவானது, பூமியின் வெப்பத்தை மேலும் அதிகரிக்கச் செய்கிறது. இந்தக் கூடுதல் வெப்பத்தின் காரணமாக நீராவி அதிகமாகி, பின்னர் அது மழையாகத் திரண்டு கொட்ட ஆரம்பித்துள்ளது.
இந்த விளைவுகளை, புவியின் ஒரு பகுதி மக்கள் மட்டுமே தற்போது கடுமையாக அனுபவித்து வருகிறார்கள். அதாவது, தாழ்வான பகுதிகள் மற்றும் தெற்காசிய நாடுகள் போன்ற புவியியல் அமைப்பைக் கொண்ட நாடுகள். வரும் ஆண்டுகளில் இந்தத் தட்பவெப்பநிலை மாற்றத்தின் தாக்கம் இரட்டிப்பாக அதிகரிக்க வாய்ப்புகள் உள்ளதாக எச்சரிக்கப்பட்டுள்ளது.
இந்தோனேசியா, தாய்லாந்து, மலேசியா மற்றும் இலங்கை உள்ளிட்டத் தென்கிழக்கு ஆசியப் பகுதிகளில் கடந்த ஒரு வாரமாகப் பெய்த வரலாறு காணாத தொடர் மழை மற்றும் புயல் காரணமாக ஏற்பட்ட வெள்ளம் மற்றும் நிலச்சரிவுகளால், இதுவரை 600-க்கும் மேற்பட்டோர் உயிரிழந்துள்ளனர்.
உயிரிழப்புகள்: இந்தோனேசியா, தாய்லாந்து, மலேசியா, இலங்கை ஆகிய நாடுகளில் மட்டும் மொத்தமாக 600-க்கும் மேற்பட்ட இறப்புகள் உறுதி செய்யப்பட்டுள்ளன. இந்த எண்ணிக்கை மேலும் உயரலாம் என அஞ்சப்படுகிறது.
பாதிப்பு: சுமார் 40 இலட்சத்துக்கும் மேற்பட்ட மக்கள் இந்த வெள்ளத்தால் பாதிக்கப்பட்டுள்ளனர்; மேலும் இலட்சக்கணக்கானோர் தங்கள் வீடுகளை இழந்து நிவாரண முகாம்களில் தஞ்சம் அடைந்துள்ளனர்.
இந்தோனேசியா:435 பேர்சுமாத்திரா தீவு கடுமையாகப் பாதிக்கப்பட்டுள்ளது. 400க்கும் மேற்பட்டோர் காணவில்லை. நிலச்சரிவுகளால் கிராமங்கள் முழுமையாக அழிந்தன.
தாய்லாந்து: 170 பேர்தெற்கு தாய்லாந்து (ஹட் யாய்) வெள்ளத்தில் மிதக்கிறது. ஹட் யாயில் 300 ஆண்டுகளில் இல்லாத அளவுக்கு அதிக மழை பதிவானது.
இலங்கை: 190-க்கும் மேல்15,000க்கும் அதிகமான வீடுகள் அழிந்துள்ளன. சுமார் 78,000 பேர் இடம் பெயர்ந்துள்ளனர்.
மலேசியா: 3 பேர்பெர்லிஸ் மாநிலத்தில் கடும் வெள்ளம். பல்லாயிரக்கணக்கான மக்கள் நிவாரண முகாம்களில் உள்ளனர்.மனிதநேய நெருக்கடிவெள்ளம் காரணமாக வீடுகள், பாலங்கள் மற்றும் தகவல் தொடர்பு கட்டமைப்புகள் முழுமையாகத் துண்டிக்கப்பட்டுள்ளன. பல பகுதிகள் வெள்ளத்தில் மூழ்கித் தீவுகளாக மாறியுள்ளன. இந்தோனேசியாவின் சுமாத்திரா உள்ளிட்ட பகுதிகளில் சாலைகள் துண்டிக்கப்பட்டதால், பாதிக்கப்பட்ட மக்களுக்கு உணவு மற்றும் அத்தியாவசியப் பொருட்கள் கிடைப்பதில் சிக்கல் ஏற்பட்டுள்ளது.
தாய்லாந்தின் ஹட் யாய் போன்ற நகரங்களில் மருத்துவமனைகள் நிரம்பி வழிவதால், சடலங்களைக் குளிரூட்டப்பட்ட லாரிகளில் வைக்கும் நிலை ஏற்பட்டுள்ளது.பாதிக்கப்பட்ட இலட்சக்கணக்கான மக்களுக்கு உதவி மற்றும் நிவாரணப் பொருட்களை வழங்குவதற்காக, அரசுப் படைகளும் தொண்டு நிறுவனங்களும் போராடி வருகின்றன. இந்தப் பிராந்தியத்துக்கு உடனடி சர்வதேச மனிதாபிமான உதவி தேவை என்று உலக நாடுகள் வலியுறுத்தியுள்ளன.