கண்முன் நிகழ்ந்த படுதோல்வி! சூப்பர் ஓவரில் சூர்யவன்ஷி எங்கே? – கேப்டன் செய்த மகா தவறு! ரசிகர்கள் அதிர்ச்சி!
கத்தார்: கத்தாரில் நடைபெற்று வரும் ஏசிசி ஆண்கள் ஆசியக் கோப்பை ரைசிங் ஸ்டார்ஸ் 2025 தொடரின் முதலாவது அரையிறுதிப் போட்டியில், இந்தியா ஏ அணி வங்கதேச ஏ அணியிடம் சூப்பர் ஓவரில் அடைந்த தோல்வி, இந்திய கிரிக்கெட் ரசிகர்களை அதிர்ச்சியில் உறைய வைத்துள்ளது!
போட்டி சமனில் முடிந்த நிலையில், இந்திய அணிக்கு வெற்றி வாய்ப்பு பிரகாசமாக இருந்தும், ஃபார்மில் இருந்த இளம் சூப்பர் ஸ்டாரை களமிறக்காமல் எடுத்த தவறான முடிவால் இந்தியா, கிரிக்கெட் வரலாற்றிலேயே இல்லாத ஒரு கோரமான தோல்வியைச் சந்தித்துள்ளது.
முதலில் பேட் செய்த வங்கதேசம் 194 ரன்கள் குவிக்க, இந்தியா ஏ அணி துரத்தலில் வைபவ் சூர்யவன்ஷி (38), பிரியன்ஷ் ஆர்யா (44) ஆகியோரின் சிறப்பான ஆட்டத்தால் கடைசிப் பந்தில் 194 ரன்களை எட்டி, ஆட்டம் சமனில் முடிந்தது.
வெற்றியைத் தீர்மானிக்கும் சூப்பர் ஓவர் தொடங்கியது. ஒட்டுமொத்த ரசிகர்களும், ஐக்கிய அரபு அமீரகத்துக்கு எதிராக 144 ரன்கள் விளாசிய, அதிரடி நாயகன் வைபவ் சூர்யவன்ஷிதான் களமிறங்குவார் என்று எதிர்பார்த்தனர். ஆனால், அங்குதான் நடந்தது அதிர்ச்சி ட்விஸ்ட்!
சூப்பர் ஓவரை எதிர்கொள்ள கேப்டன் ஜிதேஷ் சர்மாவும், நமன் தீப்பும் களமிறங்கினர்.
- வங்கதேசப் பந்துவீச்சாளர் ரிபன் மண்டோல் வீசிய முதல் பந்திலேயே, மோசமான ஷாட் ஆட முயன்று ஜிதேஷ் சர்மா க்ளீன் போல்டு ஆனார்!
- அவரைத் தொடர்ந்து வைபவ் சூர்யவன்ஷி அனுப்பப்படுவார் என நினைத்தால், ஆஷுதோஷ் சர்மா களமிறங்கினார்.
- அடுத்த பந்திலேயே, ஆஷுதோஷ் சர்மா கேட்ச் கொடுத்து வெளியேறினார்!
வெறும் 2 பந்துகளில் 2 விக்கெட்டுகளை இழந்து, இந்தியா ஏ அணி சூப்பர் ஓவரில் ஒரு ரன் கூட எடுக்காமல் (0 ரன்கள்) சுருண்டது! இந்திய கிரிக்கெட் வரலாற்றில் இது முதல் முறையாகும். வங்கதேசம் இரண்டே பந்துகளில் இலக்கை அடைந்து இறுதிப் போட்டிக்கு முன்னேறியது.
வைபவ் சூர்யவன்ஷி இந்தத் தொடர் முழுவதும் அதிரடியாக விளையாடியவர். இன்றைய போட்டியிலும்கூட 15 பந்துகளில் 4 சிக்ஸர்களுடன் 38 ரன்கள் எடுத்து மிரட்டியிருந்தார். ஆனால், வெற்றிக்கு மிக முக்கியத் தேவையான சூப்பர் ஓவரில், அவர் களமிறக்கப்படாதது ரசிகர்களிடையே பெரும் கொந்தளிப்பை ஏற்படுத்தியுள்ளது.
களத்தில் அடுத்தடுத்து விக்கெட்டுகள் சரிந்ததை, தனது வாய்ப்பு பறிபோன சோகத்துடன் பெவிலியனில் இருந்து வைபவ் சூர்யவன்ஷி பார்க்கும் படங்கள் தற்போது சமூக வலைத்தளங்களில் வைரலாகப் பரவி வருகின்றன.
இந்தத் தோல்விக்குத் தானே பொறுப்பேற்றுக் கொள்வதாகக் கூறிய கேப்டன் ஜிதேஷ் சர்மா, தனது முடிவை நியாயப்படுத்தினார்.
“வைபவ் மற்றும் பிரியான்ஷ் இருவரும் பவர் பிளேவில் சிறப்பாக விளையாடக் கூடியவர்கள். ஆனால், டெத் ஓவர்களில் ஹிட் அடிக்கக் கூடியவர்கள் ஆஷுதோஷ் மற்றும் நமன் தீப்தான். அதனால், சூப்பர் ஓவரில் யார் விளையாடுவது என்று கூடி முடிவெடுத்தோம். இருப்பினும், இது இறுதி முடிவு என்னுடையதுதான்,” என்று அவர் தெரிவித்தார்.
கேப்டனின் இந்த விளக்கம், ரசிகர்கள் மத்தியில் மேலும் கோபத்தையே கிளப்பியுள்ளது. ஃபார்மில் இருக்கும் வீரருக்கு வாய்ப்பளிக்காமல், ஒட்டுமொத்த வெற்றியையும் இப்படிப் பாழாக்கியது ஏன்? என்ற கேள்வி எழுந்துள்ளது.
https://www.youtube.com/watch?v=AE0KB_GMZrk