CSK-வில் சஞ்சு சாம்சன்! ரவீந்திர ஜடேஜாவைத் தியாகம் செய்த சி.எஸ்.கே! “கரெக்ட்டா வருவேன்” – ரஜினி கெட்டப்பில் சஞ்சு!
சென்னை/அபுதாபி: 19-வது ஐ.பி.எல். மினி ஏலத்தை முன்னிட்டு, 5 முறை சாம்பியனான சென்னை சூப்பர் கிங்ஸ் (CSK) அணி எடுத்த அதிரடி முடிவு, ஒட்டுமொத்த கிரிக்கெட் உலகையும் திரும்பிப் பார்க்க வைத்துள்ளது! ராஜஸ்தான் ராயல்ஸ் அணியின் கேப்டன் சஞ்சு சாம்சனை ரூ. 18 கோடிக்கு ‘டிரேடிங்’ மூலம் கைப்பற்றி, சி.எஸ்.கே. தனது ரசிகர்களை வியப்பில் ஆழ்த்தியுள்ளது.
ஜடேஜா விலகியது ஏன்? ரசிகர்கள் அதிர்ச்சி!
சஞ்சு சாம்சனை அணிக்குள் கொண்டு வர சி.எஸ்.கே. கொடுத்த விலை மிகவும் பரபரப்பை ஏற்படுத்தியுள்ளது! சஞ்சுவுக்காக சி.எஸ்.கே. அணி, தனது முக்கிய ஆல்-ரவுண்டர்களான ரவீந்திர ஜடேஜா (ரூ. 14 கோடி) மற்றும் சாம் கர்ரன் (ரூ. 2.4 கோடி) ஆகியோரை ராஜஸ்தான் ராயல்ஸ் அணிக்கு விட்டுக்கொடுத்துள்ளது.
நீண்ட காலமாகச் சி.எஸ்.கே.வின் தூணாக இருந்த ஜடேஜாவை ராஜஸ்தானுக்குக் கொடுத்தது, சி.எஸ்.கே. ரசிகர்களிடையே பெரும் அதிர்ச்சியையும் அதிருப்தியையும் ஏற்படுத்தியுள்ளது.
‘தலைவர்’ ஸ்டைலில் சாம்சனுக்கு வரவேற்பு!
இந்த டிரேடிங் சர்ச்சை ஓயாத நிலையில், சஞ்சு சாம்சனை வரவேற்கும் விதமாகச் சென்னை சூப்பர் கிங்ஸ் அணி நிர்வாகம் ஒரு சிறப்பு வீடியோவை வெளியிட்டுள்ளது. அந்த வீடியோவின் தலைப்புதான் இப்போதைய வைரல் ட்ரெண்டிங்!
நடிகர் ரஜினிகாந்தின் மாஸ் வசனமான,
“வரவேண்டிய நேரத்துல கரெக்ட்டா வருவேன்!”
என்ற தலைப்புடன் வெளியிடப்பட்டுள்ள இந்த வீடியோ, சஞ்சு சாம்சனைத் தல தோனியின் வழித்தோன்றலாகச் சி.எஸ்.கே. பார்ப்பதை உணர்த்துகிறது.
அணியில் யார் யார்?
-
தக்கவைக்கப்பட்ட முக்கிய வீரர்கள்: ருதுராஜ் கெய்க்வாட் (கேப்டன்), டோனி, டிவால்ட் பிரேவிஸ், ஷிவம் துபே, முகேஷ் சவுத்ரி உள்ளிட்டோர்.
-
புதிய வரவு: ராஜஸ்தான் ராயல்ஸ் கேப்டன் சஞ்சு சாம்சன் (ரூ. 18 கோடி).
மினி ஏலம் அடுத்த மாதம் டிசம்பர் 16-ஆம் தேதி அபுதாபியில் நடைபெற உள்ளது. சஞ்சு சாம்சனை ரூ. 18 கோடிக்கு வாங்கிய சி.எஸ்.கே., அடுத்து யாரைக் குறிவைக்கப் போகிறது என்ற எதிர்பார்ப்பு எகிறியுள்ளது!